Konsiltasyon jeneral, plis ke 65 an : direktiv swen
Well Visit, Over 65: Care Instructions
Konsiltasyon jeneral yo kapab ede w rete an bòn sante. Doktè ou a verifye eta sante jeneral ou epi li
ka sijere fason pou pran bonjan swen tèt ou. Doktè ou a ka rekòmande w egzamen tou. Ou ka anpeche
maladi si w manje byen, dòmi byen, pran vaksen ou dwe pran yo, fè egzèsis regilyèman, epi swiv lòt
etap.
|
Se pou w fè tès ke ou menm ak doktè w deside yo. An fonksyon de laj ou ak
nivo risk ou genyen, yo gen dwa mande w fè kèk tès tankou tès odisyon oswa depistaj
pou kansè nan kolon, tete ak poumon. Depistaj ede jwenn maladi anvan sentòm parèt.
|
Manje bagay ki bon pou lasante. Chwazi fwi, legim, sereyal konplè, pwoteyin
san anpil grès, epi pwodwi letye san anpil grès. Limite konsomasyon grès satire a
epi redwi konsomasyon sèl ou.
|
|
Limite konsomasyon alkòl ou. Gason yo pa dwe bwè plis ke 2 bwason alkolize pa
jou. Fanm yo pa dwe bwè plis pase 1 brevaj pa jou. Pou kèk moun, li pi bon pou w pa
konsome alkòl ditou.
|
Fè egzèsis. Sa ka ede w pa tonbe. Fè omwen 30 minit egzèsis pandan pifò jou
nan semèn nan. Mach apye, yoga epi tai tchi gen dwa bon pou w.
|
|
Atenn yon bon pwa epi kenbe l. Sa a pral bese risk ou genyen pou kontrakte
anpil diferan pwoblèm lasante.
|
Pran swen sante mantal ou. Eseye rete konekte ak zanmi w, fanmi w epi
kominote a, epi chèche fason pou w jere estrès ou.
|
|
Si w santi w deprime oswa sanzespwa, pale ak yon moun. Yon konseyè ka ede w.
Si w pa gen yon konseyè, pale ak doktè w.
|
Pale ak doktè w si w panse ou gen dwa gen yon pwoblèm ak itilizasyon alkòl oswa
dwòg. Sa gen ladan medikaman sou preskripsyon ak dwòg ilegal.
|
|
Evite tabak ak nikotin : pa fimen, vapote ni moulen pwodwi tabak. Si w bezwen
èd pou kite sa a, pale ak doktè w.
|
Pratike relasyon seksyèl ki gen mwens risk. Fè depistaj maladi seksyèl,
itilize kapòt oswa dig dantè, epi limite kantite patnè seksèyl ou genyen paske tout
sa ka ede w anpeche maladi seksyèl yo.
|
|
Ekri yon direktiv preyalab. Sa a se yon fason legal pou di fanmi w ak doktè w
kisa ou ta renmen pou yo fè lè w rive nan fen lavi w oswa lè w pa ka pale pou tèt pa
w.
|
Anpeche pwoblèm yo rive lè w ka fè sa a. Pwoteje lapo ou kont twòp solèy,
lave men w yo, bwose dan w de (2) fwa pa jou, epi mete yon sentiwon sekirite lè w
nan machin.
|
Ajou nan dat: 6 August 2023
Vèsyon kontni: 14.0
Adapte anba yon lisans Enstriksyon pou swen pwofesyonèl swen sante w la Si w
gen kesyon sou yon maladi oswa enstriksyon sa a, toujou mande pwofesyonèl swen sante w la.
Healthwise, Incorporated voye jete tout garanti oswa responsablite pou itilize ou itilize enfòmasyon
sa yo.
© 2006-2025 Healthwise, Incorporated.