Booqashooyinka wanaagsan waxay kaa caawin karaan inaad caafimaad ku joogto. Dhakhtarkaagu wuxuu
baaray caafimaadkaaga guud ahaan lagana yaabee inuu soo jeediyo qaabab aad si wanaagsan ugu daryeeli
kartid naftaada. Dhaqtarkaaga sidoo kale waxaa laga yaabaa inuu kugula taliyay baaritaano. Waxaad
xanuunada oga hortagi kartaa cunista cunto caafimaad leh, hurdo wanaagsan, tallaalo, jimicsi joogto
ah, iyo tallaabooyin kale.
|
Samee baaritaanada adiga iyo dhakhtarkaagu go'aansataan. Iyadoo ku xiran
da'daada iyo khatarahaaga, tusaalooyinka waxaa ku jiri kara baaritaanada maqalka ah
iyo sidoo kale baaritaanka xiidmaha, naaska, iyo kansarka sanbabada. Baadhitaanku
wuxuu ka caawiyaa ogaanshaha cudurada ka hor intaan astaamuhu muuqan.
|
Cun cunto caafimaad leh. Dooro inaad cunto khudaar, khudrad, sareen,
borotiinta hilibka cad, caanaha leh dufanka hoose. Yaree dufanka aan wanaagsanayn,
oo yaree cusbada.
|
|
Yaree khamrida. Ragu waa inaysan cabin wax ka badan 2 koob oo khamri ah
maalintii. Dumarku waa inayan cabin wax ka badan 1 koob. Qaar kamid ah dadka,
inaysan cabin khamri ayaa ah wax ku habboon.
|
Jimicsi. Wuxuu kaa caawin karaa inaad dhaqdo. Samee ugu yaraan 30 daqiiqadood
oo jimicsi ah inta badanka maalmaha asbuuca. Socodka, yoogada, tai chi ayaa ah dookh
wanaagsan.
|
|
Gaar oo joogtee miisaanka caafimaadka leh. Arrintaan waxay hoos u dhigaysaa
halista aad ugu jirto dhibaatooyin caafimaad oo badan.
|
Daryeel caafimaadkaaga dhimirka. Iskuday inaad ku xirnaato saaxiibadaa,
qoyskaaga, iyo bulshada, iyo inaad hesho waxyaabaha lagu xakameeyo walaaca.
|
|
Haddii aad dareemeyso niyad jab ama rajo la'aan, la hadal qof kale. La-taliye
ayaa ku caawin kara. Haddii aadan haysan la-taliye, kala hadal dhakhtarkaaga.
|
La hadal dhakhtarkaaga hadii aad isleedahay waxaad qabi kartaa dhibaato la
xariira khamriga ama isticmaalka daroogada. Arrintaan waxaa kujira qoraalka
daawooyinka iyo daawooyinka mamnuuca ah.
|
|
Iska ilaali tubaakada iyo nikotiinka: Ha cabin sigaar, shiishad, ama hana
ruugin. Haddii aad u baahan tahay in lagaa caawiyo joojinta tubaakada, la
hadal dhakhtarkaaga.
|
Samee galmo ammaan ah. Baaritaanka, isticmaalka cinjirka galmada ama bacda
ilkaha la gashto, iyo yareynta lammaanayaasha galmada waxay kaa caawin karaan ka
hortagga cudurada STIs.
|
|
Samee dardaaran hore. Tani waa hab sharci ah oo aad ugu sheegi karto
qoyskaaga iyo dhakhtarkaaga waxa aad rabto in ay dhacaan dhamaadka noloshaada ama
marka aadan adigu iskaa u hadli karin.
|
Ka hortag dhibaatooyinka aad awoodo. Ka ilaali maqaarkaaga qoraxda badan,
gacmahaaga dhaq, cadey ilkahaaga laba jeer maalintii, oo xiro suunka gaariga.
|
Tilmaamaha daryeelka la qaatay hoosta ruqsada xirfad yaqaankaaga daryeelka
caafimaadka Haddii aad qabto su’aalo ku saabsan xaalada caafimaadka ama tilmaantan, waydii had iyo
heer xirfad yaqaankaaga caafimaadka. Healthwise, Incorporated waxay diiday damaanad kasta ama
masuuliyada isticmaalka macluumaadkan.